Kumtina sem thin BET Award chu Microsoft Theatre, Los Angeles-ah sem a ni leh ta a, Tennis star Naomi Osaka chu Sportswoman of the Year award hlan a ni. Black Entertainment Television (BET) Award hi mi hangte puala chawimawina sem chhuah thin niin, music, acting, sports leh entertainment huanga mi hlawhtlingte hnenah hlan thin a ni. 
 
Award ceremony hi Taraji P. Henson chuan a host a, Lizzo chuan show a kick off. Kuminah hian tun hnaia US Supreme Court-in nau tih thlak phalna hun rei tak an lo kalpui tawh khapna thupek a tihchhuah thar leh chungchang chu an titipui ber pakhat a ni a, khawthlang milarten an ram politics an ngaihven zia leh a tul chuan au chhuah pawh an hreh loh zia an pholang. 

Sean 'Diddy' Combs hnenah award ngaihhlut Lifetime Achievement Award hlan a ni a, American rapper, Kanye West chuan Diddy hi zahna a rawn lantir. The Weeknd, Megan Thee Stallion, Kendrick Lamar, Latto leh Will Smith te chu award dawng langsar an ni a, infiami zingah YoungStars Award dawngtu Marsai Martin, Tennis star Naomi Osaka leh Basketball star Stephen Curry te chu an langsar bawk. Stephen Curry hi Sportsman of the Year award hlan a ni. 

BET AWARD 2022 WINNER
Best Female R&B/Pop Artist – Jazmine Sullivan
Best Male R&B/Pop Artist – The Weeknd
Best Group – ‘Silk Sonic’: Bruno Mars, Anderson .Paak
Best Collaboration – ‘Essence’: Wizkid, feat. Justin Bieber & Tems
Best Female Hip Hop Artist – Megan Thee Stallion
Best Male Hip Hop Artist – Kendrick Lamar
Video of the Year – ‘Family Ties’: Baby Keem and Kendrick Lamar
Video Director of the Year – Anderson .Paak aka Director .Paak
Best New Artist – Latto
Album of the Year – ‘An Evening with Silk Sonic’: Bruno Mars, Anderson .Paak
Dr. Bobby Jones Best Gospel/Inspirational Award – We Win: Lil Baby X Kirk Franklin
BET Her – ‘Good Morning Gorgeous’: Mary J. Blige
Best Movie – ‘King Richard’
Best Actor – ‘King Richard’: Will Smith
Best Actress – ‘Euphoria’ and ‘Spider-Man: No Way Home’: Zendaya
YoungStars Award – Marsai Martin
Sportswoman of the Year – Naomi Osaka
Best International Act – Tems (Nigeria)
Sportsman of the Year – Stephen Curry