Kendrick Lamar chuan BET Hip Hop Award sem zawh takah award paruk a humhaw a, mimala langsar ber a ni. American rapper hian award ngaihhlut ber Artist of the Year chawimawina a dawng a, a tan kum tha tih loh rual a ni lo. 

'Humble' rapper Kendrick Lamar hian artist of the year bakah award ngaihlut tak tak - album of the year, lyricist of the year, best live performer, best video leh video director te a hui fai vek a, tuma khum rual a ni lo. 

Hetih rual hian Drake hming pawh lam hmaih theih a ni bik lo, kum dang ang erawh chuan a che tha lo thung. Category 14-ah a hming a lang a, pathumah chiah award hi a hlawh chhuak a ni. Heti chung hian Kendrick Lamar dawta award hum haw hnem ber a ni a, sawi nep theih a ni chuang lo. 

50 Cent chuan Cardi B, DJ Khaled, Drake, Jay-Z, Kanye West leh Megan Thee Stallion te khumin Hustler of the Year award a la a, Kanye West erawh kut bengin a haw thung! 

BET Hip Hop Award 2022 Winner List " 
Best hip-hop video: Baby Keem & Kendrick Lamar for Family Ties
Best collaboration: Future ft. Drake & Tems for Wait for You
Best duo or group: EARTHGANG
Best Live Performer: Kendrick Lamar
Lyricist of the year: Kendrick Lamar
Video director of the year: Kendrick Lamar & Dave Free
Song of the year: Latto for Big Energy
Hip-hop album of the year: Kendrick Lamar for Mr. Morale & The Big Steppers
Hip-hop artist of the year: Kendrick Lamar
Producer of the year: Hitmaka
Best breakthrough hip-hop artist: Glorilla
DJ of the year: DJ Drama
Best hip-hop platform: Caresha Please and Drink Champs (tied)
Hustler of the year: 50 Cent
Sweet 16 - Best Featured Verse: Drake for Churchill Downs (Jack Harlow ft. Drake) and Drake for Wait for You (Future ft. Drake & Tems)
Impact track: Lizzo for About Damn Time
Best International Flow: Benjamin Epps (France)