American singer Beyoncé Gielle Knowles chuan March 28, 2024 (Ningani) zan khan a album thar 'Act II: Cowboy Carter' chu a tlangzarh ta a, titi a luah nghal hat.  

A album thar hian social media titi a luah hneh nghal hle a, a album cover pawhin khel zui a hlawh viau. A album-a hlate hi Nilaini zan khan a tichhuak a, hla 27 zet a awm. Hla thenkhatah hian zaithiam dangte thawhpui a nei nual a, chung zingah chuan - Post Malone, Miley Cyrus, Dolly Parton, Willie Nelson leh kum ruk mi lek a fanu Rumi Carter pawh a tel a ni. 

Kum 42 mi Beyoncé chuan, "He album hi country album a ni lo a, Beyoncé’ album a ni," tiin a sawi a, Cowboy Carter album chu country album a nih loh thu a lo sawi lawk tawh. A album tharah hian Dolly Parton hmingte a lan avangin country music lam ruih turah ngai an awm a ni mai thei. 

Kum 2022 khan 'Renaissance' album a tichhuak a, tour neiin a hlawhtling rem rem hle a nih kha. Tun tumah chuan a fanu pawh kum ruk mi a lo ni ve tawh a, Rumi Carter nen 'Protector' an sa dun a ni. Dolly Parton nen hian Dolly P an sa dun a, Miley Cyrus nen 'II Most Wanted' an thlawh dun bawk. Post Malone nen 'Levii's Jeans' an sa dun a, Taylor Swift nen 'Bodyguard' an sa dun nia sawi a awm bawk. Mahse hei hi chu a dik chiah lo a nih hmel thung. 

Beyoncé album thar 'Cowboy Carter' hi streaming platform hrang hrangah ngaihthak theih a ni.