Beyoncé Knowles chuan ropui taka tour a neihna 'Renaissance' chu film-in a tichhuak leh dawn. American singer hian Ningani khan official trailer a tichhuak a, hun rei loteah en tur a awm thuai dawn e. 

Kum 42 mi hian Beyoncé hian July 29, 2022 khan a studio album pasarih nan 'Renaissance' hi a tichhuak a, a hlawhtlin pui rem rem hle. A album pual hian tour a nei zui nghal a, Europe leh North America hmun hrang hrangah a concert. A tour hi a hlawhtling rem rem hle a, show vawi 57 neiin, ticket pawh a hralh zo vek a ni. 

A concert chhimtu hi mi maktaduai 2 an chuang a, sum pawh a lalut hnem rem rem hle. Tour a neihna video hrang hrang pawh a tam tham viau a, film-ah siamin tum thum a tichhuak tawh a, a palina tur an tichhuak leh dawn a ni. 

A film hming hi 'Renaissance : A Film By Beyoncé' tih a ni a, December 1, 2023 atangin theater-ah tihchhuah a ni ang.