Aizawl: Nimin khan Mizoram State Tobacco Control Society leh Indian Society on Tobacco & Health, Mizoram Chapter (ISTH-M) tangkawp chuan Aizawl khawpui chhunga Bial KTP hruaitute tan “Vaihlo (Zuk leh Hmuam) leh a kaihhnawihte” tih thupui hmangin I&PR Auditorium-ah seminar ni khat awh an buatsaih. MSTCS State Nodal Officer Dr. Jane R. Ralte, C. Zaihmingthanga, Vice President, Tobacco Quitters of Mizoram leh C. Ngurthantluanga ten an zirtirna an pe a ni. Dr. Jane R. Ralte chuan, Kohhran thalai pawla in hmang tak tak, mahse zuk leh hmuama fihlim lo an tam chu pawi a tih thu a sawi a. Bial KTP hruaitu kalkhawmte chu an member te entawn tura zuk leh hmuama fihlim tura chahin, kristian nula/tlangval tan chuan mahni taksa tih thiang-hlim a zuk leh hmuama fihlim chu tih makmawh a nih thu a sawi. Dr.Jane bakah hian C. Zaihmingthanga, Vice President, Tobacco Quitters of Mizoram leh C. Ngurthantluanga ten zuk leh hmuamin taksa a tihchhiat dan leh a nghawng hrang hrangte an sawi bawk a, hemi hnu hian zau takin sawihona hun hman a ni.