ZALEN Aug. 1, 2024; Tourism department buatsaih 'Mizoram Rural Tourism Village' winner-ah Biakte khua thlan a ni.

ZALEN thudawn danin, Mizoram Tourism department leh Tourism kaihhnawiha inhmangten intihsiaknaa tel tur khaw 8 an thlan chhuahte atangin he intihsiakna hi neih a ni a, nizan hmasa (30.7.24) khan Ignite Studio, Khatlaah lawmman semna hi neih a ni. 

Khaw 8 thlan chhuahte atang hian Mizoram Rural Tourism Village winner atan Biate khua thlan a ni a, lawmman atan pawisa fai Rs. 50,000 leh thuziak (citation) hlan an ni.

Biate VCP R. Lalrinliana'n ZALEN a hrilh danin, Biate khua hian Mizoram huap khuate intihsiaknaah lawmman vawi 6 an dawng tawh a, India hmarchhak huap lawmman vawi 2 an dawng tawh.

Biate VCP chuan kum 50 chuang liam tawh atangin Biate khua hian faina hnatlang an lo nei tawh thin tih a sawi a, chu chu tun thlengin an la kalpui niin a sawi.