Aizawl: Bilkhawthlir khuaa Self Help Group te chuan kuhva kau hmang in hman hnua paih mai theih (disposable) thleng chi hrang hrang an siam chhuak. Bilkhawthlir-a Self Help Group Village Organisation 'South' Secretary K. Vanlalrengpuii chuan Zalen palai zawh na chhangin ei leh in chhawpna tur thleng hrang hrang chu kuhva kawr hmanga an siam thu a sawi a, he thil siamchhuah hna hi thla khat vel an kalpui tawh thu sawiin a North East a hetiang siamchhuak awmchhun an nih thu a sawi. K. Vanlalrengpuii chuan an khawl chu Godrej Company siam a nih thu leh ICAR a\anga Self Help Group 14 an in\awm thu a sawi a. Self Help Group te hi North leh South ah in\henin khawl hi an inkawl chhawk \hin thu South lam Secretary chuan a sawi bawk. K. Vanlalrengpuii chuan nikhatah thleng hlai deuh chu 200 bawr vel an siam chhuah theih thu sawiin thleng te deuh leh bowl te chu 200-300 an siam chhuah thu a sawi a. An siam chhuah zat chu an thahnemngaih leh ngaih lohah te thui tak a innghah thu a sawi bawk. Kuhva kau hmanga siam thleng siam te hi Aizawl lam a\angin pawl leh koh hran anga leitu an awm nual tawh tih Rengpuii chuan sawiin Kohhran thenkhat chuan Good Friday ah te pawh khan an hman tawh thu a sawi a, a dawrtu te hi Aizawl lam an nih ber thu a sawi bawk. Kuhva kau hmang thleng siam te chu chemical tello mihringte tana hlauhawm lo a nih thu sawiin kan hman uar em em plastic thleng te ang lo in a \awih theih thu a sawi a ni. Kuhva kau hmanga siam thleng te hi a lei duhtu ten an bia a, sumo service ah te thawn mai anih thu Rengpuii chuan a sawi a. A lo leitute hian a phurh man an lo chawi ve thung \hin niin a sawi bawk. Thleng hlai pakhat hi Rs 5 a hralh a ni a, a te ho hi Rs 2.50 a hralh a nih thu Bilkhawthlir Self Help Group hruaitu chuan a sawi bawk.