Aizawl March 30, 2023 : BJP State Mahila Morcha te chuan vawiin khan "SUSHMA SWARAJ AWARD" semna hun an hmang a, He huna thusawitu State President Vanlalhmuaka chuan Mizoram-ah BJP-a sawrkar chuan development a awm dawn a, party dang tan sawrkar na hun tha an neih tawh dawn loh avangin party dang te hian mipuite an sawi thaih niin a sawi. 

Vanlalhmuaka chuan, "Mizoram hian BJP kan hmuh dan diklo hi kan thlak a hun tawh a, Ban sawm nei hmaa kun tura ngaih tlatna, Mizo te ah hian a awm ni awm a ni. Nimahsela chutiang lam reng reng BJP ah a awm ngai lova, mi thenkhat anga chal hnawihsen leh Coconut sawhkeh tak ngial pawh kan ti ngailo a ni. BJP din chhan zawk chu Development for All a ni a, 'Mitin in an mamawh leh chanvo an chan theih nana pek' hi a ni tih hi Mizoram mipui te hian hre thar leh ang u," a ti.

Hmuaka chuan sawi chhunzawmin, "Mizoram-ah BJP kan sawrkar engvangin nge party dang te'n an hlauh? kan tih chuan, BJP sawrkar tawhna state ah chuan development a luanglut nasa êm êm a, Party dang ten chance an nei lo a ni. Chutiangin Mizoram ah pawh BJP sawrkar ila chuan, development a awm dawn a, party dang tan sawrkar ve na hun tha a awm tawh dawn lo tih an hriat avangin, party dang te hian mipuite min sawi thaih ta mai a ni. Chuvangin vawiina Award kan sem chhan ang hian BJP hian Kuthnathawktute, mahni ke a ding tura hma la mek te, mahni ke a ding duh te'n, Bank loan kal tlanga bul an tan theihna tur thlengin kawng kan siamsak. BJP sawrkarna-ah Mirethei te tan kawl a eng zel avangin chu hamthatna chu Mizoram mipuite hian kan chan ve theih nan theihtawp chhuahin hma kan la a ni," a ti bawk.

BJP State President chuan, "India ram chu khawvel huap ah pawh hmahruaitu kan nih tawh avangin, G-20 President nihna chu India ramin kan chang a, hei hian Khawvel hmuh leh hriatah India ram chu hmahruaitu kan ni tih a ti lang a, ram dang pawhin India ram Pu Modi-a kaihhruaina hnuaiah khawvel hmasawnna thar hmuh theih an inbeisei a ni tih a hriat a ni a ti a, Mizoram ah pawh G-20 kan lo thleng a, kha khan a tum chu Mizoramah eizawnna leh Tourism lama hmasawnna kan lo neih nan leh, vawiina Sushma Swaraj Award dawngtu te ngei pawh heng kan kutthemthiamna hmangte hian chawikan kan la ni dawn  ni," a ti bawk.

SUSHAMA SWARAJ AWARD hi kumin 2023 atanga hman tan niin kum tin March thla chhunga Award hi sem tura  tih a ni a, External affairs minister lo ni tawh, Sushma Swaraj (L) chu India ramah a hming a daih tawh loh nan leh a hnathawh te hriat reng nan, a hming chawia siam a ni a. He Award in a tum chu; India rama hmeichhia eizawnna kawng hrang hrang la hlawhtling leh hnathawhna kawnga mi chhuanawm te chu ngun taka zir chiangin uluk taka thlan an ni.

2023 SUSHAMA SWARAJ AWARD DAWNGTUTE CHU :
1. Dr. Lalramzauvi - PHC Lengpui 
2. Dr. Eileen Lalrinpuii - Director, Seventh Day Hospital, Aizawl
3. Ms. Loisy Vanlalhmangaihi - Enterpreneur (Bakery)
4. Ms. Lalremsangi Fanai - Social work
5. Ms. Kaphnuni - Handicrafts
6. Ms. Ellcy Lalnunhlimi - Handloom
7. Julie Lalrinzami - MJS
Present posting - Additional District & Sessions Judge cum Judge, Fast Track court Kolasib - Civil Judge
8. Ms Lalhmachhuani, Hreichuk - Udhami Farmer
9. Advocate Lalfamkimi, Ramhlun Vengthar - Practice at District Court Aizawl & Guwahati High Court Aizawl Bench, Aizawl
10. Ms. H. Lalrinliani, Kanghmun - Social service