ZALEN December 4, 2023 : BJP Mizoram chuan MLA General Election 2023 Result puan zawh taka BJP Official Candidate MLA atana thlan tlin tak Dr. K. Beichhua, Siaha Constituency leh K. Hrahmo, Palak Constituency atanga MLA inthlanpui 2023-a thlan tlinte chu BJP Mizoram chuan an lawmpui a, Mizoram tan leh Party tana theihtawp chhuah turin duhsakna an hlan.

Mizoram MLA 2023-a Sawrkarna siam tur, ZPM Party te chu BJP Mizoram chuan an lawmpui a, Kalphung thar an intiam ang ngeia mipui te'n an hmuh theih nana hma an lak theih nan duhsakna an hlan bawk. PM Scheme hrang hrang pawh a nihna ang taka hman anih theih nana hma la turin BJP Mizoram chuan an ngen.

PM Scheme tam tak chu Mizorama Sawrkar tawh te'n an pawngsual thin an ti a, hei hi siam tha a, a chhawr tur dik tak te'n an chhawr theih nana hma la turin BJP Mizoram chuan an ngen a, Mizoram mipui rawngbawl hna tluang taka thawk turin duhsakna an hlan bawk.