October 18, 2023; Mizoram BJP chuan MLA inthlan lo awm tur atan bial 12 a an candidate turte an puang a, Speaker atanga bang ta Lalrinliana Sailo chu Mamit bialah a ding dawn.

Vawiin khan BJP hian an candidate turte officialin an puang a, bial 12 an puan chin atanga a lan danin, Mizoram khawthlang lam leh Mizoram chhim lam an tinzawn niin a ngaih theih.

Candidate an puan ah hian hmeichhia pakhat telin, minister hlui Dr. K. Beichhua chu a bial ngai Siaha bialah a ding zui ang a, an president Vanlalhmuaka chu Dampa bialah a ding ang.

BJP hian Bial danga an candidate tur pawh vawiin ah vek hian puan belh leh an la tum nia thudawn a ni.