November 1, 2023; Mizoram State Assembly Election 2023, November ni 7-a Vote thlak turah Central Minister te bakah North East State hrang hrang sorkar Minister, Central BJP hotuten Mizoram Bharatya Janata Party MLA Candidate te tan Campaign beihpui an thlak mek.

Vawin ah Union Minister of Defence, Rajnath Singh leh Sarbananda Sonowal Union Minister of Ports, Shipping & Waterways, AYUSH te chu tluang takin Lengpui Airport an lo thleng.

Union Minister pahnih lo thleng hi Aizawl South - I Bial, BJP Official Candidate F. Lalremsangi leh Dubai (UAE) leh Arab ram dang atanga lo haw nulaten Mizo hnam incheina inthuamin   Lengpui Airport ah an lo hmuak.

F. Lalremsangi hian Senior BJP Hruaitu leh Defence Minister, Rajnath Singh hnenah ram pawn a Housemaid harsatna tawk te India Sorkar in chhanchhuah hna an thawh thu ah lawmthu a hrilhin, Housemaid chhanchhuahte harsatna tawh dan leh tun dinhmuna chhawmdawlna an mamawh thu a lo thlen a, rampawna Mizo hmeichhia hnathawk duhte himna nena kal tir theihna kawng ngaihtuahpuia, ram danga hnathawk duh te tan India sorkar leh Ram dang te chuan thawhhona thatak an neih a tul thu te Union Minister hnen ah a thlen a. Rajnath Singh hian lo hmuak tu te a lawmin, Lalremsangi thu thlen te chu a ngaihpawimawh thu a hrilh a ni.

Union Minister, Sarbananda Sonowal chuan Aizawl South - I biala Bharatiya Janata Party in F. Lalremsangi Candidate atana an dah chu chhuanawm a ti a. Lengpui Airport VIP Lounge ah Vedio tawi siam nghalin, “ BJP Candidate Lalremsangi chu mi bik leh chungchuang Mizoram tana thawhhlawk a ni a, Mizoram leh Aizawl South - I mipuite tana hmasawnna tur a ngaih pawimawh leh harsatna a rawn thlente chu, Union Minister ka nih ang in ngaihpawimawh sak a ni ang, Aizawl South-I mipuiten MLA atana lo thlang tling turin ka ngen a che u,” a ti bawk.