BJP-in dincham lawm || BJP sawrkarna kan nei lo anih chuan beidawnna khurah kan tla dawn a ni - Hmuaka
![](/storage/news/post/Lmj2vnlECuTph9lQVQqbwsr0p239Cd7NvklIgVkq.jpg)
Aizawl April 7, 2023 : BJP Mizoram Headquarters chuan April 6, 2023 Ningani khan BJP Foundation Day vawi 43-na chu India ram pumah an hmang a, Mizoram ah pawh district hrang hrangah lawmna hun an hmang. BJP State President chuan Mizoram-ah BJP-a sawrkar loh anih chuan beidawnna khurah a tla dawn niin a sawi.
BJP Mizoram Headquarters-ah chuan zing dar 9:30 ah State President Vanlalhmuaka chuan BJP Flag pawh pharhna hun neiin, Prime Minister Narendra Modi thusawi ngaihthlak a nih hnuah, BJP dincham lawmna leh hriatpuina atan, Two Wheeler Rally Aizawl khawpui ah neih leh a ni. Chawhnuah BJP State Office Mipui Run-ah inkhawmna an neih leh a, Joseph Zaihmingthanga chu hun hmanpui tur a sawm niin thu a sawi a, State President Vanlalhmuaka'n Foundation Day thuchah a sawi bawk.
Vanlalhmuaka chuan, "India ram ah harsatna hrang hrang tawk chunga India ram hmangaihna avangin Kum 1980 ah khan Bharatiya Janata Party tih hming pu in a lo ding a ni tih vawiin ah hian ka sawi hma sa duh a ni. Vawiin ah hian India ram chu BJP Sawrkar hnu atang chuan Khawvel ah ram hmasawn ber kan ni thei ta a, Khawvel Top Leader ni thei hial din hmunah Pu Modi kaihhruai na hnuaiah chuan kan ding ta a ni. Mizoram ah BJP nih hi zahthlak ah leh BJP nih chu Kristian te tana inhmeh lo anga ngai kan la awm hi a pawi hle a, Mizoram hian kan nihna kan hriat loh vang a ni. Mizoram hian eng nge inchhuanna tur kan neih ve, chawmhlawm state mai kan ni tih hi kan inhriat a, central-a sawrkar puihna lo chuan Mizoram hian dinchhuah theihna (chance) kan nei lo a ni tih hi mipui te hian kan hrechiang em? Mizoram hian central puihna lo chuan din chhuahna chance kan nei lo a ni tih hi Political Party Leader te hi a hre chiangtu anni thung a ni," a ti.
Hmuak chuan, "Party dangin an hlauh chu Mizoram-ah hian BJP in sawrkarna kan siam chuan, Mipui sawrkar diktak leh Good Governance dik tak mipuiin an hriat dawn avang leh mirethei te tan zalenna leh thawvenna a thlen dawn avangin, party dang ten sawrkar leh nan huntha an nei tawh dawn lo a ni tih an hriat avangin thu diklo hmangin mipui thinlung an kuai her a ni. Chuvangin BJP nihna diktak hi mipui ten kan hre thei ta lo a ni. Nimahsela Mizoram hian kan state-ah BJP sawrkarna kan nei lo anih chuan kan ram hi beidawnna khurah kan tla dawn a ni," a ti bawk.
Sakhua leh BJP chungchang sawiin BJP State President chuan, "Mizoram hi kan sakhua ah kan rinawm loh vangin kan ram hian nasa takin a tuar a, kan rama sawrkar tawh leh sawrkar mek te ah hian Kohhran mi inti te vek kan ni chunga eirukna nasa lutuk te hian kan chanchin tha hrilh hi engmah lovah a chantir fo a ni. Chuvangin BJP Mizoram chuan Mizo mipui ten BJP an hriat dan ang hi kan nih lo tih leh BJP Member te chu kan sakhua ah rinawm a, Kristian kan nih anga Isua Krista zirtirna anga rinawmna leh dikna nen Midang tan rawngbawl turin kan inpe thar tur a ni," a ti.
BJP Foundation Day pual hian BJP chuan Social Justice Week chu April 14 thleng hman turin ruahmanna an siam a, week neih chhung hian Kawng hrang hranga vantlang tana hnathawhna hun leh Upa te chawimawina hun te hman an tum a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024