Aizawl: Mizoram BJP chuan nimin khan thuchhuah siamin Kolkata a Chief Minister Lal Thanhawla inhmun neih chungchangah MPCC Media Deptt. ten CM Hawla hian affidavit a siam lai, November ni 8,2013 laiin Salt Lake inhmun hi a ta a la ni lo nia an sawi chu thu diklo a ni tiin August 30, 2013-ah Sale Deed/ Deed of Conveyance a la fel vek tawh a, W.Bengal sorkarin a pek atang leh Sale Deed a neih hnu hian ama inhmun ngei a ni tawh a ni tiin Affidafit ah hian a ziak lang tel ngei tur a ni, an ti a. Khatih laia W.Bengal Communist Party sorkarin Election Model Code hman tawhhnu, Vote thlak dawn tepa inhmun a sem chiam thei mak an ti hle tiin inhmun sem dan chu RTI hmanga zawh mek a ni, an ti bawk. BJP thuchhuah chuan Hriata Chhangte in ECI hnena Complaint a thehluh piahlamah, CBI hmanga engkim chhui fiah an phut tih an sawi bawk.