ZALEN April 24, 2026: BJP National Spokesperson Shazia Ilmi chuan bill pawimawh tak, Women's Reservation Bill Parliament-a April 16 &17, 2026 sawihona a Congress, Samajwadi Party, TMC leh DMK ten an pawmpui duh lo hi he rama mi cheng chanve te phatsatna a ni a, hmeichhia te laka an rilru put hmang an pholang a ni, a ti.

Shanzia ilimi chuan, "Women Reservation chungchang sawiin, Women Reservation Bill hi kum 2023 ah khan pawm tawh a ni a, nimahsela vawiin ah hian Congress Party leh an thawhpui ten Women Reservation hman tur a Bill put luh pawm a ni ta lo chu, a pawi em em a, he Bill hi BJP thatna tur nilovin, hmeichhia te chawi kan na zawk a ni a, tun hma in Indira Gandhi te, Sonia Gandhi te ho hian tun hma in hmeichhia te duhsak tak angin an awm thin a, nimahsela vawiin ah erawh an nihna a lang chiang ta a ni," a ti.

BJP National Spokesperson chuan, "Prime Minister Narendra Modi chuan hmeichhia te thutlukna lian siam tura chanvo pek hi duhsakna a ni lo a, an dikna chanvo a ni. He thil pawimawh tak leh chhinchhiah tlak tak dodaltute hi chuan inthlan lo la awm turah hmeichhe thinrimna an la hmachhawn ve ngei ang," a ti

"Union Home Minister Shri Amit Shah pawhin Opposition te dik lohna hi chiang takin a sawi lang a, delimination hian khawi state mah a tawrh tir loh tur pawh a sawi. South India aiawh tur te dinhmun pawh humhalh a nih dawn bakah tihpun a ni dawn a ni," a ti bawk.

Shazia Ilmi chuan, "Opposition party zingami Samajwadi Party te phei chuan constitution kalhin he bill tihkhawtlai a nih theihna atan hian sakhaw behchhan reservation te an sawi hial a, mahse, hei hi he sawihona boruak lakpen tumna hmanrua mai a ni.

"Bharatiya Janata Party hian hmeichhiate thuneihna sang zawk pek leh democracy ti chak tur hian a theihna zawng zawng a hlan a, hmeichhia te dinhmun chawikan duh lo tu te hi a tawp thlengin a bei dawn a, hmeichhia te hi an dikna chanvo pek ngei a tum a ni," a ti.