Aizawl : November ni 7,2023 a Mizoram MLA inthlan lo awm turah Aizawl district ah candidate an tam ber a, Hnahthial district ah an tlem ber a, party lian pathum te chiah an ding. India ramaa rorel lai BJP leh Independent ten Mizorama candidate an nei lohna district awmchhun a ni.

Aizawl district ah hian MLA candidate 55 awmin a dawttu Lunglei district ah 27 an awm a. Siaha ah 9, Champhai ah 10, Kolasib ah 13, Serchhip ah 15, Lawngtlai ah 13, Mamit ah 14, Saitual ah 11, Khawzawl ah 4 leh candidate tlemna ber Hnahthial district ah 3 an awm a ni. Mizoram a MLA bial 40 chuah tur hian candidate 174 an awm a ni.

Political party zingah Indian national Congress, Mizo National Front leh Zoram Peoples Movement ten bial awm zawng zawng bial 40 an chuh kim vek a. Bharatya Janata Party in bial 23 an chuh a, Hnahthial district ni lo, district dangah chuan candidate an dah kim vek a, Aam Aadmi Party in AMC area-ah bial 3 leh Independent in bial 27 an chuh dawn a ni.