Aizawl March 9, 2023 : BJP-Mizoram Pradesh chuan Lunglei khawpuiin an khawpui chhung enkawltu tur tualchhung sawrkar (Lunglei Municipal Council) an nei ta chu lawmawm an ti a, Lunglei khawpuia chengte tan kawng tinrenga hmasawnna thlentu a nih ngei beiseiin, duhsakna an hlan. LMC inthlanah Lunglei mipuiten BJP Candidate te an thlan tlin chuan Union Minister of Housing and Urban Affairs Hardeep Singh Puri chu Lunglei-ah chah chhuakin, mipuite mamawh LMC member ten an thlen thei ang tih an tiam.

BJP- Mizoram Pradesh chuan Lunglei khawpui chhung mipuite chu LMC-2023 a Lunglei khawpui ah sawrkar tha leh langtlang a awm theihna atan an Candidate te min vote pui turin an sawm. Lunglei Municipal Council Election-ah hian Lunglei khawpui mipuiten BJP Candidate te an thlan tlin chuan a rang thei angin Union Minister of Housing and Urban Affairs, Govt of India Hardeep Singh Puri chu Lunglei-ah chah chhuakin, Lunglei khawpui ngeiah Lunglei mipuite mamawh chu LMC member ten an thlen thei ang tih an tiam a ni. 

BJP chuan Lunglei khawpui chhung mipuiten an khawpui chhung enkawltu tur – Lunglei Municipal Council  (LMC) member tur an thlanna kawngah pawh ngaihtuahna fim tak, zalen tak an hman BJP- Mizoram Pradesh chuan an beisei a, Election fel fai tak a awm ngei pawh an duhsak.

BJP- Mizoram Pradesh chuan 1st General Election to Lunglei Municipal Council -2023 puan a nih ve leh, LMC Candidate Search Committee an din a, State Vice President  R.Vanramchhuanga, kaihhhruaina hnuaiah hma an la nghal a ni. LMC-2023 General Election a ding tura an thlan chhuah te BJP State President Vanlalhmuaka hnenah theh luh niin, State Election Committee in candidate list an thlir nawn hnuah BJP- National President J.P Nadda pawmpui atana vawi khan  khan an thawn a. BJP- National President chuan 1st General Election to LMC-2023 a BJP- Mizoram Pradesh atanga Candidate atan heng mite hi a rawn pawm ta a ni.

Ward,  Candidate & Veng

I. K.H. Lalrotlinga, Zotlang
II. Lalremsangi (Reserved), Electric Veng
III. Lalramhluna, Rahsi Veng
IV. Lalzarmawia, Electric Veng
V. Lalmuanpuii (Reserved), Rahsi Veng
VI. H.Lalhmingliana, Electric Veng
VII. Vanlalthanga, Bazar Veng
VIII. R.Lalmalsawmi (Reserved), Rahsi Veng
IX. Zoramdinpuia, Rahsi Veng
X. Laltanpuii (Reserved), Sethlun
XI. Vanlalhruaia, Zobawk