October 27, 2023; Mizoram BJP inthlanpui manifesto chu vawiin tlai khan BJP National President JP Nadda'n Hotel Regency ah a tlangzarh.

BJP manifesto ah hian an sawrkar hun a hmasawnna hna an thawh tur kawng hrang hrangin an tarlang a, chung zingah chuan eirukna tibo tura hma an lakna tur pawh a tel.

An manifesto a an tarlan danin, Mizoram sawrkar flagship programme, Socio Economic Development Project (SDEP) kalpui dan a thil dik lo leh eirukna awm te chhui chiang tur a 'Special Investigation Team' din a tel.

Hei bakah hian eiruk thubuai thleng zawng zawng an chhui ang a, thuneihna an chan atanga thla 6 chhunga thutlukna siam tura hma an lak tur thu te an tarlang bawk.

An manifesto ah hian ruihhlo tirem tura hmalakna turte, kuthnathawktute hamthatna turte, sawrkar school siamthatna tura Rs. Vbc. 250 dah te, health care chungchangte leh hmasawnna hnathawhna tur hrang hrangte an tarlang bawk.