BLACKPINK chuan tukin zing dar 9:30am khan an music video thar 'Pink Venom' chu YouTube-ah live-in an tlangzarh a, mi maktaduai hnih chuang zetin an en hem mai! An release atanga minute 10 lekah mi maktaduai nga zetin an en nghal bawk - pui rem rem tak a ni. 

An music video teaser hi YouTube-ah hian an lo dah chuak tawh bawk a, ni hnih chhung lekin entu mi maktaduai 22 zet a nei tling bawk. BLACKPINK hi tun laiah na na na chuan anni aia lar hi an awm lo ang tih ngam a ni - an chet velna reng reng hian ngaihven a hlawh em em vek. 

Music video thar an tihchhuah tur hi July khan an nlo sawi lawk tawh a, fans lamain an ngakhlel em em pawh hi a mak lo. 'Pink Venom' hi a hit tih nghal ngam sak a ni a, mi heti zatin an en nghal hi record a tling hial zawk ang. YouTube-ah record an siam em tih hi hun rei loteah chuan a hriat theih nghalin a rinawm.