BLACKPINK chuan rin ang ngeiin record an rawn siam nghal pang mai - an music video thar 'Pink Venom' chu tlangzarh nia entu ngah ber a ni. An music video thar hian darkar 10 pawh tling loah viewer maktaduai 50 a nei tling a, kumina music video chhuak tawhah hetiang ti thei hi an la awm lo. 

Lisa, Rosé, Jennie leh Jisoo te hian nimin zing khan YouTube-ah live-in 'PinkVenom' music video hi an tichhuak a, mi maktaduai hnih chuang zetin an thlir! Kum hnih hnua an music video hmasa ber hi fans lamin an ngaihlu rem rem hle a, mi maktaduai 100 chuangin an en der tawh. 

Kumina music video chhuak tawh zingah a la hit ber a, darkar 24 chhunga entu ngah ber record ding lai khum turin darkar 10 bak an mamawh lo! Girl group zingah hetiang tithei hmasa ber an ni nghal bawk. 

Member pali awmna BLACKPINK hian an studio album pahnihna tur 'Born Pink' an buaipui mek a, September 16 hian an tlangzarh dawn. Hemi hnu hian October atangin World Tour an nei zui dawn bawk a, fans tan chuan lawmna tur hlir a ni ber e.