ZALEN January 21, 2025 : Aam Admi Party (AAP), Mizoram chuan sawrkarin Local Council leh Village Council inthlan hun sawn chu mak an ti a, sawn chhal mumal tak mipuite hrilh turin an an duh a, zirlaite exam pui (Promotion exam) neih thla a buaihsaih a ni chu an hrethiam lo.

Aizawl Press Club-a chanchinthar lakhawmtute an kawm naah AAP chuan, "Chhan mumal sawi tur awm loa local council inthlan hun sawn hma a ni hi mak kan ti hle a, sawrkar hian LC inthlan an sawn hma chhan mumal takin mipuite min hrilh rawh se, chhan mumal sawi tur an hre lo a nih chuan mipui zah lohna lian takah keini chuan kan ngai. Inthlan sawn hma a nih laia sawrkarin a ngaihtuah kim lohzia tilang chiangtu a ni," an ti a, zirlaite'n an tawrh theih dan te hetiang hian an sawi.

a) Mizoram puma zirlaite exam pui (Promotion exam) neih thla; Feb-ah inthlan an buatsaih tur hian nasa takin zirna kal tluang lai a su buai a. Mizoram pum nghawng thil anih avangin naupangin an tuar lo thei lo a ni.

b) MBSE hnuaiah HSCLC & HSSLC Board exam inbuatsaih tul avang leh exam tan hun lai anih dawn avangin zirna in leh zirlaite chungah a chhe zawngin nghawng a neih ngei a rinawm.

c) Heng zirlaite tana hun pawinawh tak nena insubuai zawnga inthlan ngai turah hian zirtirtute election BLO atan ruat an nih thin avangin zirna in leh an enkawl zirlai naupangten an tuar ngei ang tih hi sawrkar hian a hmu thiamlo nge a hmu duh lo tih hi kan zawhna a ni.

d) Polling station atan hian veng tinah school hman thin anih vangin zirlai naupang Ieh zirtirtuten buaina nasa takin an tawk.

e) Kumin ah hian Board exam hi kum dang zawng zawng aia tih hma anih tawh lain LC/ VC inthlan avangin ni 7 laiin exam hi sawn hma leh a ni a, naupangte tana inbuatsaihna hun a tem phah hle.

AAP chuan February Ni 12, 2025-a Local council inthlan lo awm turah candidate kan nei dawn lo a, inthlanna thianghlim leh ralmuang tak a awm ngei an duh tih an sawi.