Aizawl: March ni 6-11,2017 chhunga neih Aizawl Book Fair cum Literary Festival chu nimin khan tluang taka zawh a ni. Book fair cum festival hi National Book Trust India hnuaiah Mizo Department, MZU leh School Education Department tangkawp buatsaih a ni a, lehkhabu dawr, Book Stall 25 hawn a ni. Festival neih chhung hian programme chi hrang hrang, Meet the Author, Poets Meet, Sympsium on Mizo Language bakah Quiz Competition te neih a ni a, kar tluanin hun tha leh hlawk tak hman a ni. Nimin a tawpni hian Closing Function tha tak buatsaih tum a nih laiin thli leh ruah nasa tak avangin pandal te a chhe nual a, khuain a bumro tak avangin Closing Function hi thulh a ni ta a ni. NBT huaihawta Book Fair neih hi kum 2006 khan Mizo High School Field-ah hian tih a ni tawh a, tun tum hi a vawi hnihna a ni.