Boston Celtics legend Bill Russell-a'n Boston Celtics tan kum 13 a khelh chhunga a hak thin jersey number 6 chu amah zahna lantir nan NBA chuan league-ah hak an remti tawh dawn lo. Russell hi tum 11 zet champion team-ah a tel a ni. 

Boston Celtics legend Russell hi thla hmasa khan kum 88 mi niin a boral a, NBA player zinga number 6 ha mek, (LeBron James tiamin) te chu an hak chhunzawm phak sak an ni dawn a, mahse player thar dang erawh chuan an hak chhunzawm thei tawh lo thung ang. 

Kum 13 chhung zet Celtic tana a khelh chhungin Russell hian tum 11 zet NBA title lain record a siam a, NBA Most Valuable Player award tum 5 zet a la bawk. 1956 khan USA team captain niin Olympic gold medal a lakpui nghe nghe. 

Russell hi basketball player zinga NBA pum puia jersey number hak theih loh tura an dah that sak hmasak ber a ni a, a khelh thinna club Celtics chuan a number hak thin hi hak theih loh turin an lo dah sak thawh a ni. NBA player zawng zawngin Russell-a hriat reng nan 2022-23 season chhung hian an dar ding lamah chhinchiahna an dah dawn bawk a ni.