Brad Pitt leh Emily Ratajkowski te chu tun lai hian sawi zawm an ni mek a, 'pan loah tho a fu ngai lo' an tih ang deuhin an inkarah hian eng emaw tak chu a lo awm ve ngei a ni mahna. 

American model Emily Ratajkowski hian a 'single' thu chiang takin sawi mah se mipui lamin an awih sak tha duh tlat lo. Kum 31 mi hian a vawi khat nan a single tih a sawi a, mahse chu chuan Brad Pitt nen an inkara thuthang awm mek a vaw dai zo lo. Brad Pitt leh Ratajkowski te hi tun hnaiah an in 'date' niin khawthlang media te chuan an tarlang a, tun lai social media titi luahtu ber pakhat a ni mek. 

Ratajkowski hian kum li chhung duh taka a lo neih tawh a pasal Sebastian Bear-McClard lakah July thla khan inthen dilna lehkha a thehlut a, dan anga chingfel turin hma lak mek a ni. Hetiang a nih mek lai hian American actor lar Brad Pitt nen thawm an nei nghal a, an inkara thuthang awm mek chungchang hi a sawi chhuak duh lo thung. 

Kum 58 mi lai ni ve tawh Brad Pitt hi a hmelin a zir bawka nula lamah a hawi harh fu - Bollywood star Nora Fatehi chuan tun hnai khan interview-ah Brad Pitt hian Instagram-ah a biak thu a sawi chhuak mauh mai! Grazia India ten an kawm tumin social media lama amah betu zingah tute nge langsar tih zawhna an zawt a, Nora hian Brad Pitt hming hi a lam chhuak ta a ni - tak tak a ni em tih erawh finfiahna a awm lo.