American singer ropui Madonna chu Intensive Care Unite (ICU) ah dah luh a ni. ICU-a a awm chhan hi bacterial infection vang a ni a, tour a neih tur pawh sawn hlat nghal a ni. 

Kum 64 mi Madonna nat dan hi a serious via nia sawi a ni a, hun eng emaw chen chu ICU-ah hian enkawl a ngai dawn. A manager Guy Oseary chuan Madonna hriselna dinhmun hi zia chho zel turah an beisei tih sawiin, tunah chuan uluk taka enkawl ngai a nih thu a sawi thung. New Work-ah enkawl mek a ni a, a dinhmun khawvelin a ngaichang thuap a ni. 

'Queen of Pop' an tih hial Madonna hian thla thar hian tour a tan dawn a, mahse a hriselna dinhmunin a zir tak loh avang hian a awm zel dan tur sawi lawk theih a ni ta lo. A single 'Holiday' kum 40-na denchhenin tour neih hi a tum a, a tum angin a awm thei dawn ta lo thung. 

Madonna hian July 15 khian Vancouver, Canada-ah tour hi tan a tum a, January 30-ah Mexico City-ah a kharna neih tumin ruahmanna a siam a ni - tour hi a nei leh thei kher ang em tih chu awhna awm mek a ni.