Inpuh hmingchhiat thuibuai (defamation case) ah thiam loh a chan hnuin Congress hruaitu lu Rahul Gandhi chu Lok Sabha member a nihna atangin ban (disqualify) a ni. Rahul Gandhi hi Gujarat Court chuan nimin khan thiam loh a chan tir a, vawiinah Lok Sabha MP a nihna atanga disqualify a nih thu tarlan zui a nii. 

Opposition leader Rahul Gandhi hi Prime Minister Narendra Modi tihhming chhiat thubuai siamsak a ni a, kum hnih chhung lungin tang tura tih a ni. Rahul hi Wayanad Constituency, Kerala atangin Lok Shaba MP atan Congress party ticket-a thlan tlin a ni a, a term hmang zo loin ban a ni ta a ni. 

Rahul hian ni 30 chhungin bail a dil thei dawn a, Court sang zawkah a thubuai hi ngaihtuah turin a zualko thei bawk ang. Hetih lai mek hian Congress party chuan Rahul chunga rorel dan duh loh hian Zirtawpni khan Delhi-ah kawngzawh an huaihawt a ni.