DOWNLOAD OUR APP

Read latest news on your phone
app-store
Breaking News : Migos rapper Takeoff kahhlum a ni
Nov 01, 2022

American rapper Takeoff chu Houston, Texas-ah kahhlum a ni. Kum 28 mi Migos rapper hi a patea bakah a bandmate Quavo te nen party na hmunah an kal a, dice game an khelh laia buaina chhuakah kahhlum a ni ta a ni. 

Takeoff te hi Houston, Texas-ah hian party chhimin an kal a, midang 50 vel te nen game an khelho. Game khelte hi an inhnial buai a, silai a puak zui ta a ni. Silaimu hian Takeoff-a lu bawrah a fuh niin an tarlang a, a hmunah a thi nghal a ni. Ani bakah hian midang pahnihin hliam an tuar a, hospital panpui nghal an ni.  

Police te chuan buaina chhuahna hi private party na a nih thu sawiin, mi 40 atanga 50 vel an tel tih an sawi. An zinga pakhat chuan silai hi a hmet puak a, a hmuna awm security guard te pawhin silai ri hi hre mah se pawi khawihtu ber hi an hre thei mai lo thung. Report thenkhata a lan dan chuan hliam zingah hian Quavo hi a tel niin an sawi a, thuchiang erawh hriat tur a la awm lo. 

Takeoff hi a hming tak chu Kirshnik Khari Ball a ni a, American hip hop group Migos-a an member pawimawh a ni. Rimawi lama chawimawina ngaihhlut Grammy Award-ah pawh Migos hi award dawng thei tura chhawpchhuah zingah an lo tel tawh a, Canadian rapper Drake thawhpuiin hla hit zet mai 'Versace' an lo tichhuak tawh bawk a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh