DOWNLOAD OUR APP

Read latest news on your phone
app-store
Breaking News : Rimawi khawvela hming dai tawh lo tur Olivia Newton-John a thi 
Aug 09, 2022

Australian singer ropui leh rimawi khwvela hming dai ngai tawh lo tur Dame Olivia Newton-John chu nimin August 8, 2022 khan kum 73 mi niin cancer natna avangin Santa Ynez Valley, California-ah a thi. A thih thu hian khawvel a dengchhuak rang hle a, uitu pawh a ngah hle. 

Olivia Newton-John hi kum 1992 khan cancer a ni tih hriat chhuah a ni a, kum 30 chhung zet chu cancer nantna hian a tlakbuak a ni. Cancer a ni tih an hriat chhuah hian kum 43 mi chauh a ni a, he natna chimawm tak avang hian ‘Grease’ actress hian mual a liam ta a ni. British-born Australian singer Olivia Newton-John hi a chenna Ranch, Southern California-ah a boral a, an ram huna zing lamah a thih thu hi puan a ni.  

Newton-John hi kum 1970 leh 1980 chho kha chuan a ni aia alar an awm bik chuang lo ang tih tur khawpin thawm a nei lian a, hla lar tak pawh a nei hnem hle. Chung zingah chuan - Let Me Be There, Have You Never Been Mellow, Make a Move on Me leh If You Love Me, Let Me Know te chu a lar zual an ni. Rimawi lama chawimawina ngaihhlut Grammy Award-ah pawh music video of the year tum li la thei a ni. Billboard Hot 100-ah pawh No. 1 kai phak hla panga a nei bawk a, chawimawina hrang hrang a dawng hnem hle. 

Newton-John hi John Travolta nen 'Grease' film-ah an chang dun a, lemchan lamah pawh mi hriat hlawh khawpin hming a chher. Kum 1978 khan an film soundtrack hi Billboard 200-ah kar 12 zet a lang a, Grammy Award-ah album of the year dawng thei tura chhawpchhuah zingah a tel bawk. 

Newton-John hi September 26, 1948 khan Cambridge, England-ah a piang a, mahse Melbourne, Australia-ah a sei lian thung. Kum 16 mi lek a nih laiin talent contest-ah a inlan tan a, heta tang hian hming a chher chho tan a ni. A single 11 zet chuan Platinum an kai a, a album 14 zet chu Recording Industry Association of America (RIAA) certified an ni bawk. A hla leh albumte hi copy maktaduai 100 chuang zet a hralh bawk.

British-Australian recording artist Olivia Newton-John hian studio album 26 zet a tichhuak a, live album paruk a tichhuak bawk. Amah hi activist niin, environment humhalh kawngah leh nungchate dikna chanvo humhalh kawngah a thawh hlawk hle a,  cancer veite tan theih tawpin ke a pen thin bawk. 

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh