DOWNLOAD OUR APP

Read latest news on your phone
app-store

BREAKING NEWS : Thailand-a inpawng kahnaah mi 34 an thi, a tam zawk chu naupang

Oct 06, 2022

Vawiin (6.10.2022 Ningani) khan Thailand-a pre-school pakhatah inpawng kahna rapthlak tak a thleng a, mi 34 an thi. Thi zinga a tam zawk hi naupang an ni a, pawi khawihtu hi a hmunah hian a thi ve nghal a ni.

Vawiin (6.10.2022 Ningani) khan Thailand-a pre-school pakhatah inpawng kahna rapthlak tak a thleng a, mi 34 an thi. Thi zinga a tam zawk hi naupang an ni a, pawi khawihtu hi a hmunah hian a thi ve nghal a ni. 

Pawi khawihna hi Nong Bua Lamphu province-a thleng a ni a, Thailand police te chuan pawi khawitu hi kum 34 mi Panya Kamrab a nih thu leh, a hmunah hian a intih hlum ve nghal thu an sawi. Panya Kamrab hi police officer hlui a ni a, silai leh chemte hmangin pawisawilote hi a bei chiam a, hliam tuar pawh thahnem tak an awm a ni. 

Panya Kamrab hian pre-school hi Toyota pick-up hmangin a pan a, vanduaina hi a thleng zui ta a ni. Thi zinga a tam zawk hi naupang an ni a, a naupang ber chu kum hnih mi lek a ni. Hliam tuar zinga a tam zawk pawh hi naupang an ni a, an dinhmun dik tak hriat theih a la ni lo. 

Panya Khamrab hi nikum khan drugs hman khawloh avangin a hna atang hian ban a ni a, hetia a chet chhat hi hriat a ni lo. Thailand Prime Minister Prayuth Chan-ocha chuan he vanduaina thleng hi a dem thu leh thi chhungte a tawrhpui tak zet thu a sawi. 

Thailand-ah hian kum 2020 khan sipai pakhat chuan silai hmetpuakin mi 21 lai a lo kaphlum tawh bawk a ni. Thailand-ah hian silai khuahkhirhna a nasa a, ram dang nena khaihkhin chuan he tianga inpawng kahna hi thleng khat tak niin an sawi.  

Share now