Zaithiam Lalngengpuii Tochhawng, Bethlehem Vengthlang chu vawiin (August 1, 2023) chawhnu dar 3:40pm vel khan Greenwood Hospital, Aizawl-ah a boral. 

Kum 51 mi Lalngengpuii hian natna hrang hrang a nei a, a thihpui ber hi kal (kedney) thalo a ni. A natna avang hian Greenwood Hospital ICU-ah a awm hial a, ICU-a a awm thu hi vawiin lam khan hriat niin, tlai lamah a thi thu kan hre zui leh ta a ni. 

Nngengpui thih thu hian amah ngainatute a barakhaih hle a, social media lamah pawh amah uina thu hmuh tur a tam hle. A ruang hi zaninah tlaivar pui a ni ang a, naktuk August 2, Ningani, chhun dar 12:00 ah an chenna inah vui a ni ang.  

Ngengpuii hian rimawi khawvelah hriat a hlawh hle a, hla lar tak tak sawi tur a nei nual. Chung zingah chuan 'Duhaisam' tih chu mite duh leh ngainat ber zinga mi a ni. A kal san tak a chhungkhat lainate ZALEN chhungkua chuan kan tawrhpui tak zet e.