American pop band LFO member Brian Gillis chu Ningani khan kum 47 mi niin a thi. Brian 'Brizz' Gillis hi LFO band dintu zinga mi a ni a, uitu pawh a ngah hle. 

Massachusetts band te hi an hla hit - Girl on TV leh Summer Girls te avangin hriat an hlawh hle a, a hun laia band ngaihven hlawh ber zinga mi an ni. Mahse heng an hla hit pahnih an tichhuah hi chuan Gillis hi an band-ah hian a tel tawh lo thung a, 1998 khan an band hi a chhuahsan a ni. 

An band original member zinga la dam awm chhun Brad Fischetti chuan Brian Gillis uina thu leh amah thlahna thu social media lamah a tarlang. Gillis thih chhan hi tarlan a ni lo thung. 

American hip hop band LFO (Lyte Funkie Ones) hi kum 1995-a indin an ni a, an member tam zawk hian fam an chan tawh avangin an hla hlui ngaithlak bak fante tan tih theih a awm tawh lo.