Aizawl: Nimin khan Govt. J.Thankima College zirlaite chu an college ram nia an hriat, Bawngkawn Brigade ah an pungkhawm a, an College ram tur nia hriat ah mi thenkhat in pass lo neia ram hralh an awm nia sawiin an duhlohna an lantir. Zirlaite hi an College sak mek tualah inkhawm tawi buatsaihin an aurual a, a hnuaia mi ang hian resolution an siam. 1.Mizoram sawrkar in Brigade hmuna Govt. J.Thankima College ram min pekah Land Lease fel tak neih niin he hmuna Invalid Pass lo nei te hi sawrkarin cancel sak nghal rawh se. 2.He hmun Govt.J.Thankima College Land Lease neih tawhna hmun lo leitute leh hralh tum leh mek hian zirlaite hmakhua an ngai a nih chuan hnuk kir turin kan ngen e. 3.Sawrkarin Govt J.Thankima College ram a pek tawh sa a Invalid Pass lo nei te hi Govt.J.Thankima College te chuan kan dem tak meuh a, zirlaite hmuhsitna ah kan ngai a ni. 4.He invalid pass hmanga kan college ram pamham taka hralh lo tum tute hi, zirlaite hmakhaw ngaia lo leisak lo turin Got.J.Thankima College chuan kan ngen a ni. 5.Kan dikna leh chanvo humhalh tur hian Govt.J.Thankima College zirlai zawng zawngte chu theih tawp chhuahin kan kal zel dawn.