June 11, 2024 : Inspire Agency te chuan tun hnai khan an hnuai atanga intuaihriam, anmahni kaltlanga British Army/Royal Air Force a tlingte lawmpuina hun an hmang.

Inspire Agency, Khatla South kaltlang hian Royal Air Force-ah mi 5 an tling tawh a, British Army-ah mi 7 tling tawh bawkin tunah hian an tuaihriam sa tawh mi 7-te chu UK-ah British Army-a luh tumin an la cham mek a. British Army atanga kohna dawng, Visa buaipui mek mi 3 awmin anni bakah hian kohna nghak mek mi engemaaw zat an awm bawk a, chung zingah chuan hmeichhia 2 an tel nghe nghe a ni.

British sipaia tlingte lawmpuina hun hi R.Lalmuanpuia chuan kaihruaiin Upa R.Lalhmangaiha chuan hunserh a hmang a, Aizawl West III bialtu V.L. Zaithanzama chuan khuallian niin a hmanpui a, agency neitu Lalruatfeli chuan thu sawiin British sipaia tlingte lawmpuina a hlan.