Hun rei tak chhung hun khirh tak a hmachhawn a, hlim leh nuam titaka zai theina chi zia zang a ni lo. Tunah erawh zalen leh nuam titakin hun a hmang thei tawh a, rimawi lamah pawh a rawn inlar nghal thuai - American singer Britney Spears chuan kum 2016 hnua a vawi khat nan hla thar a rawn tichhuak e. Sir Elton John nena an sak 'Hold Me Closer' chu Zirtawpni khan an tichhuak a, mi maktaduai hnih chuang zet chuan an ngaithla leh der tawh. 

American pop hian 'conservatorship' atanga a zelan hnua rimawi a luhchilh leh hnuah Elton John a thawhpui a, boruak an rawn nei nghal hat a nih kha. Tun tumah erawh official music video an tichhuak lo a, lyrics chauh an la tichhuak rih a ni. 

Kum 40 mi Britney Spears hi music industry-ah kan hmu zui zelin a rinawm a, hla thar pawh a rawn chhawpchhuak leh ngeiin a rinawm.