Hneh loh la tawng lo Tyson Fury, kum 33 mi chuan a Briton pui Dillian Whyte, amah aia kum khata upa nen kar leh Pathianni khian Wembley Stadium-ah an inhmachhawn dawn. Whyte nen an inhmachhawn tur chungchang hi thla hmasa khan thuthar lakhawmtute hnenah an puang a, chumi tum chuan Fury chuan a fight hnuhnung ber a nih tur thu leh boxing a chawlhsan tawh tur thu a sawi. 
   

2018 hnua UK hmuna a fight neih leh hmasak ber turah hian, Tyson Fury hian Deontay Wilder hnen atanga WBC heavyweight title a hnek chhuah chu hum a tum ang. “Chawlh chungchang khan ka sawi zuk tawh nain tunah rih chuan Dillian Whyte nena kan inhmachhawn tur chauh ka ngaihtuah. Boxing chawlhsan lam ka ngaihtuah hman rih lo," a ti.
   

He news conference-ah hian US Treasury lamin a thil neih an hren sak Daniel Kinahan nena an inkungkaih dan zawhna chu a chhang duh lo. 
   

Kinahan hian Fury bakah world champion Josh Taylor nen pawh an thawk dun a ni. Fury hian boxer 32 nen fight nei tawhin hneh loh ala tawng lo. Fight 32-ah tum 31 chakin vawi khat inhnehtawk pui a nei a,