In-House Production chuan an feature film 3-na tur Brother Zova chu November 26, 2022 zan hian an tlagzarh dawn ta. Tlangzarhna hun hi Vanapa Hall-ah neih a ni dawn a, sawm bikte bakah a duh a piang en theih turin ticket siam a ni dawn bawk.
 
In-house Production hian tuna an tihchhuah tur Brother Zova hma hian feature film pahnih - Ka Bialnu leh Driver Kima te an lo tichhuak tawh a, rin phak bakin ngaihlutu an tam. OTT platform Lersia Play-ah pawh entu mi 30,000 chuang an nei a ni. 

A plot...
'Brother Zova' hi a hma a an film tih chhuah tawhte ziaktu Samuel Pachuau kutchhuak tho a ni leh a, thingtlang unau inhmangaih takte chanchin behchhana ziah a ni. Khawpui tlangval pakhat an lo tanpui avanga an duhdan loh deuha harsatna a an intahluh dan leh chu an harsatna karah thudik ril zawk, an unau tana thudik lungaihthlak tak ni bawk si an hriatchhuahna thawnthu a ni deuh ber.

Tute nge inlan?
Main role play tute hi Mizo model zinga hriat hlawh Kimkimi Ralte, music lama sulhnu nei tha G'nie leh Green Rocket star Tommy (Lil Toto) te an ni - a pui leh dawn. Mizo film star hriat lar tawh sa - Maruata, Adama, Pa Hruaia leh midang eng emaw zat an inlan dawn bawk. In-House film hmasa lama lo lang tawh Joe bakah midang dang hmel thar deuhte pawh an awm dawn a nih hmel hle.

Budget lam hi...
In-House Production hian film 3 an siamna tur chiah a ni a, budget lian tham taka siam an la nei lo. Tuna an film siam thar Brother Zova hi an film siam tawh zinga budget sang ber niin Rs. 8 lakhs an ruahman a, a tam ber chu a changtute leh film buaipuitute hlawh atan an hmang. 

In-House Production neitu Drew Pachuau chuan he film hi a direct leh a, camera leh editing pawh a khawih vek a ni. Director tawiawmtu hi mi 4 an awm a, MZU Mass Communication Department atanga zir chhuakte an ni. 

'Brother Zova' hi November 26, 2022, Inrinni zan dar 7:30 pm ah Vanapa hall-ah release a ni dawn a, hemi zan hian ticket system in a duh apiang tan en theih a ni nghal bawk ang. Vanapa Hall-a premiere tur ticket hi pre-booking tih theih a ni dawn a, November 16 atangin Evok, Tuikual, Vanapa Hall bulah a lei theih dawn a, a hmunah lei theihin a awm bawk ang.