Aizawl: Zirtawpni kalta khan Tripura Bru refugee camp atangin Lunglei district a awm tur chhungkaw 3 an lokir leh a, ti hian tunhnaia lo kir chu chhungkaw 34 an tling.   Home Department Joint Secretary Lalbiaksangi hnen atanga Zalen thudawn danin Bru camp hrang hrangah hian Ministry of Home Affairs te chuan kir duh an awm leh awmloh zawtin camp chu October thlaah khar a nih dawn thu an an sawi a. An zinga thenkhat chu an lo kir niin a sawi a. Bru chhungkaw tam tak chu an hotute an hlauh avangin kir duh tak tak pawh kir ngam lo an awm nia an hriat thu a sawi bawk.   Tun dinhmunah sawrkar chuan September thla chhung hian kir duh an awm chuan hruai kir zel a tum a, a bak hruai kir zel an ni dawn em tih chu a la hriatloh nia thudawn a ni. Tunhnai Bru lo kirte hi Lunglei district-ah chhungkaw 23 leh Mamit district-ah chhungkaw 11 dah an ni bawk a ni.