Manchester United midfielder Bruno Fernandes chu training tura a kal kawngah School Lane, Dunham-ah nimin zing khan car-in a chesual a, vanneihthlak takin hliam a tuar lo hlauh. He chetsualnaah hian midang an tel ve lo bakah amah Fernandes, kum 27 pawh hian pangai takin United squad training a zawm ve leh nghal thei. 

United interim boss Ralf Rangnick chuan,"Fernandes-a chu a tha e, naktuk inkhelhah pawh a tel thei ang," a ti. Naktuk zan hian United hian Liverpool chu an mualah an luhchhuah dawn. 

Fernandes hian tun season-ah United tan khelh 30-ah goal 9 thun tawhin assist tum 6 a nei tawh. Portugal playmaker hi Rangnick-a mi rin leh chhawr rim tak a ni a, Inrinni zana United-in Norwich 3-2 a an hneh hram tum pawh khan a khel a ni. 

Greater Manchester Fire and Rescue Service spokesperson chuan School Lane, Dunham Massey kianga car pahnih chetsualna chu zing dar 9:45 bawr vela thleng a nih thu a puang a, Firefighter ten car chesual pahnih chu him taka an dah thu a sawi bawk.