BTS member Kim Taehyung aka V leh BLACKPINK star Jennie te chu an in 'date' niin media hrang hrang ten an tarlang. V leh Jennie te hi zanriah kilin an chhuak dun a, an thlaka thenkhat chu a viral nghe nghe a ni. 

Kim Taehyung leh Jennie te hi kum khat vel zet chu sawi zawm an lo ni tawh a, mahse an mahni lam an ngawih tlat avangin an in 'date' ngei em tih hriat a ni lo. Tun hnaiah pawh chanchin thar an rawn nei leh ta a, zanriah eiin an chhuak dun - an inhaw lo tih chu a chiang e.  

An chhuah dunna hi Gangha-myeon, Yangpyeong-gun, Gyeonggi-do, South Korea a ni a, restaurant-a ei tur langa an hmel lang chiang chiah si loa an thlalak te chu social media lamah a darh nasa hle a ni. Hemi hma pawh hian Jeju Island-ah an lo zin dun tawh nia sawi a ni a, hemi tum pawh hian an chanchin hian ngaihven a hlawh hle a nih kha. 

Engpawh chu nise thalaite star rawn kum 26 mi Kim Taehyung leh mipate duh rawn Jennie (26) te hi an inhmeh a, an lar dun em em bawk - an chanhin hian ngaihven a hlawh zui zelin a rinawm.