ZALEN October 14, 2025 : Buarpui Branch YMA, Lunglei District-a awm te chuan vawiinah khan an Branch huam chhung Tlawng lui Leisangchhuah luite in a finna laiah Thawhtanni atang khan sangha venghim turin an duty tan a, an duty lai hian nghalim tam tak an fuan a ni. 

ZALEN thu dawn danin Buarpui Branch YMA te chuan an Branch huam chhunga lui dung leh nungchate hi humhalh tlatin, sangha fuan hun lai hian group ah inthenin lui dungah te hian tlaivarin nghafuan venghim turin an in duty chhawk ṭhin a ni. 

Fisheries Department chuan Mizoram lui dungah sangha fuan hun Closed Season hun chhung October 10 leh November 30 inkar chhungin sangha leh lui dung nungchate man, tihhlum, an nunphung tihbuai te a khap a ni. 

Mizoram Fisheries Act, 2002 Section 5(4) hmanga khapna dan bawhchhiate hrem theihna - thla khat (1) chhung lung in tan, thla thum (3) chhung pawh sei theih emaw, Rs. 5000/- chawitir emaw, a pahnih (2) in emaw hrem theih an ni.