ZALEN January 24, 2025 : BJP State Core Group Member Dr. K. Beichhua, MLA chuan, "Tuna Mizoramin sawrkar kan hrawn mek hi Enchhin sawrkar an ni tih hi kan hriat a ngai a, Budget Session vawihnihna kan thutkhawm leh hunah chuan kan enchhin sawrkar nihna hi a lang chiang leh zual ang a, enchhin an dawl em? tih hi mipui te'n kan hre zel dawn a ni," a ti.

Vawiina BJP-in Friday Political Session, BJP Mizoram State Office, Mipui Rûn, Upper Republic-a hun an hmannah K. Beichhua chuan, "BJP huatna rilru kan neih tlatna hi rilru lam damlohna, natna chi khat, mi pangngailo leh rilru lam dik tawk lohna leh kum upa lam, tun hmaa politics tuinu lo in tawh te kha anni tlangpui a, tun hnuah erawh chuan thalai tam tak leh mi vengva tak takte chuan BJP hi political party pakhat ve mai a nih hriain hlauh en in an en tawh lo thung a, sawrkar kal tawh leh sawrkar mek te en hian Mipui rintlak sawrkar kan duh tih a chiang tawh a, Mizoram mipui tam zawk leh thalai vengva, eizawnna hna zawng tan chuan a beidawnthlak hle a ni."

"Tun hunah chuan mi pangngai tan mahni chawbel do tlat hi tih chi a ni lo a ni. Chuvangin keini State rethei leh chawmhlawm, thla tin mai sum puk tur dap ngai, fur lai pawh ni lo, thal lai pawh a, kan ei leh bar lakna ber kawng chhiat vanga motor lian (Truck) tlan hlauhawm khawpa kan awm ringawt mai te hi a zia lo hle a, Mizoram mipuite zah lohna leh mipui ngaih pawimawh lohna lian tak ah ka ngai hial a ni," a ti bawk.