ZALEN December 10, 2025: Chamdurtlang-I, Lawngtlai District chuan Buh thar tam Chawimawina Top-3 thleng Village Council te huai hawtin hun hman a ni, he hunah hian District Agriculture Officer Lalremmawia Colney, MAS chuan khuallian niin a hmanpui.

He program hi VC Awards tih a ni a, Nikum atanga he VC Awards hi sem tanin Buh thar tam leh Huan siam hlawhtling te Chawimawina pek thin a ni a, Citation leh pawisa fai in pek an ni.

Khuallian Lalremmawia Colney, DAO Lawngtlai chuan Kut hnathawk tute tana Chawimawina siam hi a ngaihhlut thu leh kut hnathawk tute tan Department an awm reng thu a sawi.

K.Lalremkima VCP pawhin Vai buh ring kher lova mahni thar chhuah Zo buh eitur chhungkaw engemaw zatin an thar hi lawmawm a tih thu leh he VC Awards pawh tun VC term mai nilo VC term dangah pawh Chawimawina hmang zel turin mipuite a sawm a, khawdang te pawn mahni khua theuh kut hnathawk tute Chawimawina hmang thei se, mahni leh mahni kan in chawimawi tluka ropui dang a awm chuang lo a ti.

Buh Thar Tam Chawimawina pek te chu:

1. Liansailova tin - 600

2. Zorammawia tin - 450

3. Lalvohbika tin - 350