ZALEN December 8, 2025 : ZPM Media chuan vawiin khan an Chairman B. Lalchhanzova, FCS&CA Minister hovin kum hnih chhunga ZMP sawrkar hmalakna Aizawl Press Club-ah puanzarna an nei a, open tender-in thla thum vel chu buhfai lei an ngai lo thei tih a sawi.

B. Lalchhanzova chuan vawiin hi ZPM sawrkarin kum hnih a tlinna chiah niin an hmalakna te puanzarna hi neih tula an hriat avangin he hun hi hman an nih thu a sawi. A department chan Food Civil Supply & Consumer Affairs (FCS&CA) chuan Buhfai sem bang tihral thin tihtawp a nh tak avangin kum khatah buhfai quintal 50,000, Cheng vaibelchhe 20 man hu vel an hum thei a ti.

Hetiang zat an hum theih avangin Supply Minister chuan Open Tender-a buhfai an lei thin chu thla thum vel lei ngai lovin an awm theih a rin thu a sawi a, tunah hian buhfai quintal 1,20,000 aia tam stock an nei tih a sawi.

Ration card siamrem chungchanga sawiin ZPM Media Chairman chuan, "Ration Card siamrem hna thawh mek zel a ni a, dinhmun harsa te chu party thliar lovin NFSA hnuaiah a tam thei ang ber dahluh tum a ni," a ti. Card var hmang thin mi harsa te tana Mizoram sawrkarin a siam Card sen chu tunah hian mi 50,000 ten an hmang mek tawh a, mi 1,50,000 ten an hman theih turin hmalakna kalpui mek a nih thu a sawi.

Online-a Ration Card siamthar dil theihna pawh peih fel tep a nih thu a sawi a, hei hi Mizoram bik chauhin a hman a ni lo a, India ram pum intawm anih avangin duh anga hmanthawh theih a nih loh thu a sawi bawk.

Retailer te hlawh tihpun a nih thu pawh sawiin Chhanzova chuan, Cra var-ah KG 1-ah duli an hlawh thin kha Cheng 1:50 in tihsan a nih thu a sawi a, Card Eng leh Pawl-a KG-1-ah 2:50 an hlawh thinah Cheng 3:00 an hlawh tawh tur thu a sawi bawk.