ZALEN December 20 : Agriculture & Farmers' Welfare Minister PC Vanlalruata hovin December 19 khan, 'OM OM Modern Rice Mill', Pangbalkawn Kolasib District-ah 'Buhhum leina Programme' hman a ni a, hei hi ZPM Thalai President Jeje Lalpekhlua chuan lawmawm a tih thu a sawi.

Jeje-a chuan Kolasib District leh Mamit District Farmer's te tharchhuah hi Pilot project atan lei hmasak a ni a, Mizoram hmun hrang hrangah chhunzawm tur a ruahmanna kalpui mek a ni.

Nimin khan Farmer's buh thar sawrkarin a lei sak tan tan a ZPM Thalai Hqrs. chuan, 'buh chingtu Farmer-te lawmpuiin, hemi kawnga chak taka hmalatu Agriculture & Farmer's Welfare Minister, PC Vanlalruata an chhuang tih a sawi.

Buhhum hi kg ah Rs 30/- zelin Mizoram Sawrkar hian a leisak a ni.

Jeje-a chuan Mipui Sawrkar Lalduhawma Chief Minister-na hnuaiah Kut hnathawktute tan kawl a êng zel hi lawmawm a ti a, Mizoram chhung ngeia ram mipuite buhthar sawrkarin man man zawka a lei zel chuan nakin lawkah Mizoram sawrkarin buhfai leina tura kum tina cheng vaibelchhe 184 vel a senral thinna te pawh nakin lawkah chuan hupbeha a awm theih zui ngei a beisei, tih a sawi.

Hemui tur hian Mizo thalaite theih tawpa Kut hnathawhna kawngah thangharh a,mahni tharchhuah leh siam chhuah hmang ngeia kan ram ei leh bara intodelh tir a, ram Economy chawisan tumna kawngah nasa taka ke pen a ngai a ti.

Jeje-a chuan, " Kalphungthar', mipui sawrkar ZPM party chuan theihtawpin mizoram lo neia eizawng, kut hnathawktute dâwm kân a tum mêk zel a , thawhrimna leh taimakna hmanga Mizo mipuite intodelh tir hi a tum bulpui ber a ni.

Mizoram sawrkarin Pangbalkawna Farmer-te buh thar a lei tan ta hi kan ram tan mel lung pawimawh tak niin, hei hian State Budget-ah kut hnathawktute tan Pawisa a lo 'DAH' theihzia a tilang chiang hleah ZPM Thalai chuan a ngai a.

Kan ram sum dinhmuna kan pachhiat zual lai pawha Mizoram sawrkarin farmer-te buh tharchhuah a la lei ngam zel hi Kut hnathawktute a ngaihsak zia tarlanna niah ZPM Ṭhalai chuan kan ngai bawk a ni, a ti.