Aizawl: Aizawl Municipal Council (AMC) hotute hnen atanga thudawn danin tunah hian building him lo report lut 26 a awm mek, heng building him lo zaa 30 chu an bawhzui tawh. Aizawl Municipal Council hotute chuan Zalen palai zawhna chhangin AMC huamchhungah building himlo report lut 26 a awm mek tih sawiin heng building zaa 30 hi AMC thuneitu te leh mithiam ten an bawhzui tawh tih an sawi a. Heng building te hi \hiah ngai an ni vek lo tih sawiin a then chu tihchak ngai, siam that hret emaw siam rem hret ngai te an nih thu an sawichhuak bawk a ni. AMC hotute chuan insak chung changa AMC in dan a siam te mipuiten an zawm tha tlangpuia an ngaih thu sawiin umzui reng ngai thu awih lo te pawh an awm ve tho niin Zalen  an hrilh bawk. Heng in sak him lo bakah hian dan zawm lo a in sak 42 a awm mek tih sawiin AMC hotute chuan action an lak thu leh in 32 chu thiah sak an ni a, umzui mek 3 awmin hma la lak loh 7 a awm mek niin an sawi bawk. AMC in insak siam tha tura a tih zinga mi Lai House pawh danin a phal chin pel hreta sak anih avangin chhut chhiat leh anih thu Liaison Officer Thanliana Zathang chuan a sawi bawk a ni. Thanliana Zathang chuan Zalen zawhna chhangin AMC Rules & Regulation zawm famkim lohna tlem a awm avangin ban pathum phun tawh chu chhutchhiat leh a ni a, slab chhun tawh pawh \hiah \hen leh a nih thu an sawi bawk a. "AMC engineer ten an rawn vil reng a, AMC dan kan zah a, dan zawm thei ang berin sak zel kan tum a ni," tiin Zalen palai a hrilh bawk a ni.