Aizawl: Aizawl District Disaster Management Committee-in building hlauhawm thiat tura a tih Dawrpui West a B.Darchhinga building chu thiattu tur an hmu zolo nia thudawn a ni. Zalen thudawn danin ADDMA hian B.Darchhinga building thiat tur hian PWD, Building Division te an hriattir a. PWD hian building thiat tur hian auction an tichhuak a, Rs. 70,000 dahkham (deposit) a ngaih avangin chhan tum mi thenkhat chu an inhnuhdawk leh a, tumah chhangtu an awm loh avangin ADDMA Chairman Aizawl DC ah an thawnlet leh nia thudawn a ni. Thiah tura tih Upper Khatla-a Bible Society of India building chu thiah a la ni lo a. BSI Aizawl Auxiliary thawktute hnen atanga Zalen thudawn danin helai a lei awmdan enfiah (soil test) nei turin DC lam dawr mek a ni a, an hmunhma tur sawrkar ah dil mek vang tein kut an la thlak hrihlo niin an sawi.