October 2, 2023; Inrinni zan (30.9.23) dar 9:40 vel khan TBC Lalramthangi in Dinthar veng Mamit, Assam type chhungkaw hnih luah lai chu a kang a, vanneihthlak thi leh hliam an awmlo.

Inrinni chhun lam khan an current NCB chu kangin an siamtha mai lova, zan lamah chhungkaw hnih luah in chung zawk current kal sual in an mut puan vel man kaiin, a kang thawmah harhin an insa seng hman a, in chungah hian TV leh Gas Cylinder an la chhuak hman a, a bak erawh a kang fai vek a ni.

Fire Dept. thleng thuaiin in hnuai zawk a kan hmain an thelh mit thei a, in chung erawh a kang ral vek hman.

In kangah hian thi leh hliam an awmlova, in chung zawk a bungrua kangral vekin, inhnuai luahte bungrua engemaw zat a chhe hman bawk.

Nimin zing khan Hmar Veng VC, Mamit te ruahmannabin in kang bang te hi senghawi fel a ni.