Nizan hmasa dar 8:15 vel khan Lawipu ah F.Malsawmtluanga (29) S/o. F.Zirlaina In Assam Type chu a kang a, bungraw kangral hlut zawng hi nuai 14 vel hu niin an chhut a ni. Kangmei chhuah chhan hi hriat ani chiah lo na a, an bed room lama electric kal sual vang nia rin a ni a, gas cylinder 2, LCD TV 1 leh Sofa thenkhat tihloh chu bungrua dang chuh hman lohin a kangral vek a, kangthelhna ah hian hliam tanau tuar 2 an awm a ni. In kan lai hian a neitute chu Champhai lamah an awm a, an awmpui leh pitar 1 chauh an awm lai a ni. Nimin zing dar 3 vel khan Serchhip bazara Rohming-thanga in, thingpui dawr atana Vanlalpeka luah mek chu bungrua engmah chuh hman lovin a kangral ve a, a thenawma dawr pakhat pawh tlem a kang hman a, in dang a kangkai zel tur chu ven hman a ni. Kangmei chhuah chhan tak hi electric kalsual vang anih an ring a, bungrua nuai khat man hu a kang-ral a ni.