October 8, 2023; Naktuk (9.10.23) atangin state pawn atanga Mizoram mamawh phurluttu lirtheite an chawl dawn a, mipui nitin mamawh a harsa chho deuh tura ngaih a ni... 'Sem sem dam dam, eibil thi thi' kan ti thei angem?

Chhan hrang hrang vangin state pawn atanga Mizoram mamawh chawkluh kawngah harsatna a lo thleng fo tawh thin a, chungah chuan mipui nitin mamawh ah harsatna a lo thleng tawh thin.

Tun a bungraw phur lirtheite ding tur hian eng chen nge a awh dawn hriat a ni lo. Lakluh a awm mumal loh chuan indaihlohna chu thleng ngei tur a ni.

Nitin mamawhah Mizote'n kan changchawi 'Sem sem dam dam, eibil thi thi' hi a takin kan nunpui chho thei dawn em? Nge ni a, midangte ngaichang lemlo in, harsatna thlen chhung atan kan inchhekkhawl zawk dawn...?

Ṭhenawm khawvengte leh kan nunho puite ngaichangin, nitin mamawh ah kan harsa deuh a nih pawhin thlamuang taka awm kan tum dawn lo'm ni!

Mizoram sawrkar chuan bungraw phur lirthei khalhtu leh neitute duh angin, kawng siamthat dan tur ruahmanna a siam nghal a, hengte avang hian, kan lo harsa hret a nih pawhin a reilo ang.

Nitin mamawh hrang hrang a mipuiten harsatna kan tawh hi sawrkarin a phallo a, chutiang bawk chuan bungraw phurtu lirthei khalhtu leh neitute duh dan pawh a ni hek lo. Duham huam huam a, lo inchhekchhiam tur kan ni lo e!