ZALEN June 18, 2024; AMC Ward 19 bye-election lo awm tura inbuatsaihna kal zêlah, ni 17.6 2024 khan Ward -19 huam chhûnga Zonu-te chu ZPM Zonu Headquarters hruaitute chuan Saikhamakawn MHIP Hall-ah Joint Meeting an neih pui.

He Joint Meeting hi P.B Lalsawmliana, General Secretary i/c Frontal, ZPM General Headquarters chuan a kai hruai a, Zonu Headquarters President R. Lalawmpuii (AMC Ward -16 corporator ni bawk) chuan thu sawiin, 'Tun inthlan kan hma chhawn turah hian ZPM Official candidate Dr. C. Malsawmtluangi a tlin ngei theihna turin Zonu member-te'n tangkaina kan neih dan a inang lo ang, amaherawhchu lungrual taka kan thawh ho a pawimawh a, election kan hmachhawn tawhah Zonu Unit chakna apiângah hnehna kan chang zêl a, tun inthlanah pawh kan candidate hi

ZPM symbol a ni a, hnehna kan chan pawhin ZPM

hnehna a ni tih i hria ang u', tiin, inngaitlawm tak leh Pathian ṭihna nena chakna chang ngei tura thawkrim turin Zonu kalkhawmte a fuih a ni.

He hunah hian veng hrang hrang atangin Zonu unit 12 an kal khawm.