Aizawl March 13, 2023: Sawrkar laipui chuan Covid 19 avanga thla 18 chhung Dearness Allowance arrear tlingkhawm central sawrkar hnathawkte leh pensioner-te pek tumna a nei lo tih vawiin khan ziakin a zawttu Mizoram Lok Sabha MP C. Lalrosanga chu Budget Session chhunzawm leh takah hriattir a ni.

MIzoram MP (LS) C. Lalrosanga, MNF, zawhna chhangin Minister of State for Finance Pankaj Chaudhury chuan, "Sawrkar laipui hnathawkte Dearness Allowance leh Sawrkar laipui pensioner-te Dearness Relief installment 3 chu sum leh pai lama harsatna thlentu Covid 19 avanga sawrkar laipui phurrit chhawk zangkhai tura tihtawp (freeze) a ni," a ti. "Chuvangin 2020-a Covid hripui lengin sum leh pai dinhmun chhiatna a thlen te avang leh chung te avanga 2020-21 hnu lam thlenga sawrkar laipuiin mipuite hmakhaw ngaia sum senga hma a lakna te avangin 2020-21 bawr chhoa DA/DR pek hi thil tih chi-ah ngaih a ni lo," tiin C. Lalrosanga chu a hrilh bawk.

Covid 19-in sum leh pai dinhmun a nghawng tihziaawm nan Dearness Allowance leh Dearness Relief arrear pek loh atangin cheng vaibelchhe 34402.32 zet hum leh hman tangkai a ni tih MoS for Finance Chaudhury chuan Rosanga chu ziakin a hriattir bawk a ni.